adeem-hashmi

Gham Ke Har Ek Rang Se Mujhko Shanasa Kar Gaya

gham ke har ik rang se mujh ko shanasa kar gaya

vo mira mohsin mujhe patthar se hiira kar gaya

ghurta tha main khala men to saji thiin mahfilen

mera ankhon ka jhapakna mujh ko tanha kar gaya

har taraf udne laga tarik sayon ka ghubar

shaam ka jhonka chamakta shahar maila kar gaya

chaat li kirnon ne mere jism ki saari mithas

main samundar tha vo suraj mujh ko sahra kar gaya

ek lamhe men bhare bazar sone ho gae

ek chehra sab purane zakhm taaza kar gaya

main usi ke rabte men jis tarah malbus tha

yuun vo daman khinch kar mujh ko barahna kar gaya

raat bhar ham raushni ki aas men jaage ‘adim’

aur din aaya to ankhon men andhera kar gaya

More Poems

Leave a Comment