shakhon par jab patte hilne lagte hain
aansu mire dil pe girne lagte hain
tujh se duuri aur qayamat lagti hai
aapas men do vaqt jo milne lagte hain
din to jaise-taise kat hi jaata hai
raat ko uth uth taare ginne lagte hain
ek tabassum dekh ke tere honton par
phuul khizan ki rut men khilne lagte hain
hota hai shanon pe mahsus us ka haath
mausam jab bhi rang badalne lagte hain
us ki jab ho jaae ‘nusrat’ chashm-e-karam
chaak garebanon ke silne lagte hain
Leave a Reply