Poet
bahar aai hai kya kya chaak jaib-e-pairahan karte
jo ham bhi chhut jaate ab to kya divana-pan karte
tasavvur us dahan-e-tang ka rukhsat nahin deta
jo tuk dam maar sakte ham to kuchh fikr-e-sukhan karte
nahin juun panja-e-gul kuchh bhi in hathon men girai
vagarna ye gareban nazr-e-khuban-e-chaman karte
musafir ho ke aae hain jahan men tis pe vahshat hai
qayamat thi agar ham is kharaba men vatan karte
koi farhad jaise be-zaban ko qatl karta hai
‘yaqin’ ham vaan agar hote to ik-do bachan karte
Leave a Reply