Poet
yuun to is bazm men apne bhi hain begane bhi
lekin ab dekhiye koi hamen pahchane bhi
ashna raah men katra ke guzar jaate hain
apne hi shahr men ham ho ga.e anjane bhi
ab kahan jaa.en ki us se bhi ta.alluq na raha
apna ghar yaad nahin band hain maiḳhane bhi
fikr-e-daman hai na kuchh jaib-o-gareban ki ḳhabar
kitne aram se hain aap ke divane bhi
yuun ta.aruf na sahi aap se lekin ‘shahid’
sunte aa.e hain bahut aap ke afsane bhi
Leave a Reply