Poet
hamare dil ke aine men hai tasvir nanak ki
hamare kaan ke parde men hai taqrir nanak ki
tariq-e-rast se hat kar vo hargiz ja nahin sakta
padi hai paanv men jis shakhs ki zanjir nanak ki
basar ki umr apni gumrahon ki rahnumai men
yahi thi roz-o-shab koshish bhi aur tadbir nanak ki
musakhkhar kar liya har shakhs ko pand-o-nasihat se
koi afsun tha ya taqrir thi tasir nanak ki
kalam-e-pand men us ke asar tha ab-e-haivan ka
dil-e-murda ko zinda karti thi taqrir nanak ki
pasand-taba thi us ki nasihat jumla-alam ko
dahan men thi zaban-e-pak par tasir nanak ki
jhuka de astan par us ke tu bhi ‘barq’ sar apna
hai darveshan-e-kamil men badi tauqir nanak ki
Leave a Reply