Poet
diida hai kahin dil kahin aur jaan kahin aur
baiTha to huun yaan par hai mira dhyan kahin aur
kyon sair-e-gulistan ko ham is kuche se javen
lagta hi nahin dil kisi unvan kahin aur
duniya men go mushkil koi asan nahin hoti
shayad ki ho mushkil miri asan kahin aur
fariyad ko ji chahe to juz kucha-e-janan
jaana na kabhi ai dil-e-nadan kahin aur
hai turfa ki tujh sa na mira dost ho naseh
aur ja.un silane main gareban kahin aur
jis shahr men ham rahte hain hai ja-e-tilismat
aisi to pari hongi na insan kahin aur
ai ‘muntazir’ us zulf ka tu chheḌ na qissa
ho jaave tira dil na pareshan kahin aur
Leave a Reply