Kis Kafir-E-Be-Mehar Se dil Apna Laga Hai

Poet

kis kafir-e-be-mehar se dil apna laga hai

jis men ki mohabbat na muravvat na vafa hai

be-kar kabhu raat ko bhi main nahin rahta

juun shama mujhe ta-ba-sahar mashq-e-fana hai

kya vaza bayan kijiye us shokh ki apne

ladne ko qayamat hai jhagadne ko bala hai

kya qahr hai ham dekh ke khush hote hain jis ko

so us ki ye surat hai ki surat se khafa hai

juun juun nahin dekhe hai ‘nisar’ apne sanam ko

tuun tuun yahi kahta hai khuda janiye kya hai