ki phir paida miri ḳhatir koi mushkil na ho jaa.e
pareshan huun ye mera dil kahin buzdil na ho jaa.e
bhanvar men meri kashti ko yahi ehsas rahta hai
Dubone men mira ye naḳhuda shamil na ho jaa.e
isi ik ḳhauf se main apni palken tak nahin jhapkun
ki us ka chehra ankhon se meri ojhal na ho jaa.e
mujhe is baat ki har lamha itni fikr rahti hai
ki us ki yaad se mera ye dil ghafil na ho jaa.e
kabhi us ki jafaon ki shikayat karna bhi chahun
magar phir sochti huun vo kahin bad-dil na ho jaa.e
bhala thak haar kar baiThun ‘robina’ to kahan baiThun
jise main chhoḌna chahun miri manzil na ho jaa.e
Leave a Reply