ki jaa.e chhup ke aisi yahan gha.ebana baat
sarhad ke paar pahunche na ye kafirana baat
mahfil yahan saji hai magar tu nahin yahan
teri bhi kaash hoti koi mo.ajizana baat
us ko koi shaghaf hi kahan sha.iri se hai
mahfil men kaise karte rahe sha.irana baat
dekho to ek aam sa kam-fahm sa vo hai
dohra raha hai aaj bhi us ki zamana baat
hasil to kuchh na hoga tumhen mar-piT se
karte hain saare mil ke koi dostana baat
aksar main tujh se baat yahi kahta huun ‘sahar’
ghusse ko chhoḌ kar koi ab ajizana baat
Leave a Reply