ek muddat se sar-e-dosh-e-hava huun main bhi
itna shaffaf ki ham-rang-e-faza huun main bhi
tu bhi vaqif miri tasir ke mahshar se he
aur minnat-kahs-e-altaf-o-ata huun main bhi
tu manadir ke singhasan pe ba-sad izz-o-vaqar
phuul ki thaal men lau deta diya huun main bhi
tu bhi iz.har-e-ta.alluq ke sabab DhunDta hai
shiddat-e-shauq se joya-e-raza huun main bhi
haram-e-naz ki chilman se ulajhne vaali
dil-e-betab-e-mohabbat ki dua huun main bhi
mushtari mera bhi aa.ega ye main janta huun
pahle bazar men aane se bika huun main bhi
ho jo yak-pahlu-o-yak-rang nahin hai tu ‘shahab’
sho.ala-o-shabnam-o-simab-o-saba huun main bhi
Leave a Reply