kar rahe hain mujh se tujh-bin dida-e-namnak jang
dagh-e-dil juun shama karte hain juda bebak jang
ishq par ghalib raha majnun vo tinke sa nahif
ye vo jagah hai ki shoale se kare khashak jang
naiin dimagh-e-hijr tera shama ke shoale ki tarah
kha gai hai mujh ko gir kar mujh se apni naak jang
main nahin shaki falak ka hijr ke ayyam men
mujh se juun subh apni hi karti hai jeb-e-chak jang
badshah-e-ishq ne mujh ko diye hain ye khitab
afat-ul-mulk aur fanauddaula ‘uzlat’-khak-jang
Leave a Reply