ḳhvahish-o-ḳhvab ke aage bhi kahin jaana hai
ishq ke baab se aage bhi kahin jaana hai
kyuun nahin chhoḌti aḳhir mujhe duniya-dari
mal-o-asbab se aage bhi kahin jaana hai
dene vaale tu mujhe niind na de ḳhvab to de
mujh ko mahtab se aage bhi kahin jaana hai
jaane kyuun rok rahi hai mujhe ashkon ki qatar
chashm-e-pur-ab se aage bhi kahin jaana hai
kyuun lipaTta hai mire saath ye dariya aḳhir
mujh ko girdab se aage bhi kahin jaana hai
Leave a Reply