ḳhvahish hai aa.ine pe tujhe a.ina karun
par husn-e-be-baha tiri ujlat ka kya karun
be-kar ho chuka huun tire hijr ke tufail
ab tujh ko intizar men kya mubtala karun
kaghaz ki ek naav utarun aur is ke baad
dariya pe apna ghaiz-o-ghazab runuma karun
pahle tujhe mila.un kisi ḳhvab-zar se
phir sub.h ki dalil pe ankhen fana karun
kuchh der bolne ka agar ehtimam ho
main lafz ko lakir ka bhi mudda.a karun
Leave a Reply