KHwahan-E-Mohabbat Hun Adawat Nahin Aati

ḳhvāhān-e-mohabbat huuñ adāvat nahīñ aatī

aatā hai mujhe shukr shikāyat nahīñ aatī

vaañ kaam to hote haiñ ḳhushāmad se barāmad

kyā fikr kareñ ham ko samājat nahīñ aatī

jab chāhte ho aag lagāte ho diloñ meñ

phir kahte ho kuchh mujh ko sharārat nahīñ aatī

kyā saḳhtī-e-tāle.a hai karūñ kis se shikāyat

kuchh tum ko rah-o-rasm-e-muravvat nahīñ aatī

Leave a Comment