chehron ki dhuup ankhon ki gahrai le gaya
aina saare shahr ki binai le gaya
duube hue jahaz pe kya tabsira karen
ye hadisa to soch ki gahrai le gaya
halanki be-zaban tha lekin ajiib tha
jo shakhs mujh se chhin ke goyai le gaya
main aaj apne ghar se nikalne na paunga
bas ik qamis thi jo mira bhaai le gaya
‘ghalib’ tumhare vaste ab kuchh nahin raha
galiyon ke saare sang to saudai le gaya
Leave a Reply