Asad Badayuni
ḳhushi bhi ab sarapa gham lage hai
tavajjoh aap ki kuchh kam lage hai
koi hamdam nahin duniya men lekin
jise dekho vahi hamdam lage hai
main huun majbur apne dil se mujh ko
paraya gham bhi apna gham lage hai
baharen hain chaman men gul ba-daman
ḳhizan ka sa magar mausam lage hai
jidhar dekho udhar shabnam ke aansu
chaman kya hai saf-e-matam lage hai
har ik majbur se kah do ye ‘as.ad’
har ik maghrur ka sar ḳham lage hai
Leave a Reply