Sufi

Khun Ki Har Bund Patthar Ho Chuki

khuun ki har buund patthar ho chuki

zindagi khatre se bahar ho chuki

andhiyon ki zad pe ai reg-e-ravan

be-ghari tera muqaddar ho chuki

main nikal aaya hisar-e-jism se

sard jab shoalon ki chadar ho chuki

ehtiyaton se bhi kuchh hasil nahin

ab to ye mitti bhi banjar ho chuki

saya-e-aks-e-nava bhi mit gaya

dhuup bhi mutthi barabar ho chuki

More Poems

Leave a Comment