Raziq Ansari
khule men chhoḌ rakha hai magar saliqe se
bandhe hue hain parindon ke par saliqe se
hamin pe farz nahin sirf haq paḌosi ka
tumhen bhi chahiye rahna udhar saliqe se
kabhi se halat-e-bimar-e-dil sambhal jaati
ilaaj karte agar chara-gar saliqe se
hamare chahne vaale bahut hi nazuk hain
hamari maut ki dena ḳhabar saliqe se
bahut si mushkilen haa.el hain raah men lekin
tamam umr kiya hai safar saliqe se
Leave a Reply