ham ne aap ke gham ko ham-safar banaya hai
ya.ani zindagani ko mo’atabar banaya hai
har gham-e-zamana ko dil men di jagah ham ne
ḳhuub jo mila us ko ḳhub-tar banaya hai
iinT aur patthar ka ghar nahin mila to kya
dushmanon ke dil men bhi ham ne ghar banaya hai
ehtiyat sikhi hai be-usul logon se
ham ko chand andhon ne dida-var banaya hai
ziist ke gharaunde ko ham ne apne hathon se
umr bhar bigaḌa hai umr bhar banaya hai
Leave a Reply