Wo Daur-E-Nashat-O-Dida-O-Dil Jaise Bas Abhi Guzra Hi to Hai

Makhmoor Saeedi

vo daur-e-nashat-o-dida-o-dil jaise bas abhi guzra hi to hai

siine ki kasak kis tarah miTe har dagh-e-kuhan taaza hi to hai

tu saath kahan lekin ab tak har rahguzar-e-tanha.i par

jo aage aage chalta hai ai dost koi tujh sa hi to hai

is ta.ir-e-avara ke liye yuun jaal na bun ummidon ke

uḌta hua lamha jaise abhi roke se tire rukta hi to hai

malum nahin kis vaqt ye kya bartav kisi se karti hai

duniya se koi ummid na rakh mayus na ho duniya hi to hai

kirnen na.e din ke suraj ki phailengi to gum ho ja.ega

tarik hai jis se dil ka ufuq guzri shab ka saaya hi to hai

lamhon ke hujum-e-gurezan men ik lamha jise apna kahiye

jaan de ke bhi haath aa jaa.e agar mahnga kab hai sasta hi to hai

‘maḳhmur’ ta.aqub kar dekho kuchh duur nahin haath aa jaa.e

ik gum-shuda ḳhushbu ka jhonka angan se abhi guzra hi to hai