Khushboo Saxena
ai mere haath ke kangan khanak ahista ahista
dhaḌak ai dil dhaḌak lekin dhaḌak ahista ahista
miri ankhon men chubhti hai ziyada raushni ho to
ai jugnu sun damak lekin damak ahista ahista
zamane baad aaya hai kisi ka aks ankhon men
ai shaḳh-e-gul mahak lekin mahak ahista ahista
kabhi zid hi nahin karti koi hasrat mire dil ki
machalti hai magar man ki lalak ahista ahista
bharosa kijiye us par usi ki mehrbani se
chali aati hai chehre par chamak ahista ahista
ye titli phuul par baiThi hai to baiThi bhi rahne de
hava palken jhapak lekin jhapak ahista ahista
Leave a Reply