girya, mayusi, gham-e-tark-e-vafa kuchh na raha
zindagi rah gai jiine ka maza kuchh na raha
raushni thi to har ik shai ki haqiqat thi ayaan
tirgi men miri ankhon ke siva kuchh na raha
pairahan rang birange nikal aae itne
nau-damida gul-e-shabbu men chhupa kuchh na raha
kha gai khaak ko hi khaak karen kisi se gila
kya kureden ki tah-e-khak chhapa kuchh na raha
tere milne ke Dhang bhi taslim magar
zaiqa is tarah badla ki maza kuchh na raha
kyuun na ho hashr bapa dad-e-vafa kyuun na mile
jab tire chahne valon ke siva kuchh na raha
kyuun na mehmanon ke kamre men sajaen in ko
ilm ka naam kitabon ke siva kuchh na raha
khushbu-e-vasl tavajjoh ka vo aalam vo khulus
Dubte chand ki aghosh men kya kuchh na raha