khul gaya uqda-e-hasti to kafan maang liya
ziist ne maut se jiine ka chalan maang liya
phuuT kar sina-e-kohsar se bahne ke liye
chashma-e-ab ne daman-e-daman maang liya
kya ta.ajjub hai agar maang li chehre se naqab
daur-e-hazir ne to pairahan-e-tan maang liya
ban gaya halqa-e-zulmat jo paḌa aks-e-zamin
chand ne ḳhud to nahin baḌh ke gahan maang liya
jis ki aghosh men maazi ki amanat thi nihan
us ne manga to vahi qasr-e-kuhan maang liya
jalne valon ne bhi shahnaz-e-ghazal se ‘kausar’
husn-e-fan maang liya rang-e-suḳhan maang liya
Leave a Reply