Poet
kya jaano jo asar hai dam-e-shoala-tab men
ye vo hai barq aag laga de naqab men
haal is nigah ka us ke sarape men kya kahun
mor-e-zaif phans gai ja shahd-e-nab men
zikr-e-vafa vo sunte hi majlis se uth gae
kuchh guftugu hi thiik na thi aise baab men
kya puchhte ho chara-e-hu az-khvesh-e-raftagan
so ja se chaak jaama hai sozan khullab men
avaz-e-sur tere shahidon ko roz-e-hashr
lagti thi ik bhanak si to kanon ko khvab men
jo dekhte hi us se ye guzra kabhu nahin
yaqub ke khayal o zulekha ke khvab men
har har roen se khirqa ke mere hai khun-chakan
ghote to sau diye use zamzam ke aab men
is chashm-e-ashk-bar ke kyunkar ho samne
rone ka madda hi nahin hai sahab men
qismat to dekh kholi girah kuchh to rah gae
nakhun hamare tuut ke band-e-naqab men
har-vaqt arzu-e-azab-e-jahim hai
hathon se hijr ke huun main kya kya azaab men
Leave a Reply