allama-iqbal

Khudi Wo Bahr Hai Jis Ka Koi Kinara Nahin

khudi vo bahr hai jis ka koi kinara nahin

tu aabju ise samjha agar to chara nahin

tilism-e-gumbad-e-gardun ko tod sakte hain

zujaj ki ye imarat hai sang-e-khara nahin

khudi men Dubte hain phir ubhar bhi aate hain

magar ye hausla-e-mard-e-hech-kara nahin

tire maqam ko anjum-shanas kya jaane

ki khak-e-zinda hai tu taba-e-sitara nahin

yahin bahisht bhi hai huur o jibrail bhi hai

tiri nigah men abhi shokhi-e-nazara nahin

mire junun ne zamane ko khuub pahchana

vo pairahan mujhe bakhsha ki paara paara nahin

ghazab hai ain-e-karam men bakhil hai fitrat

ki lal-e-nab men atish to hai sharara nahin

More Poems

Leave a Comment