Khudi Ho Ilm Se Mohkam To Ghairat-E-Jibril

ḳhudi ho ilm se mohkam to ghairat-e-jibril

agar ho ishq se mohkam to sur-e-israfil

azab-e-danish-e-hazir se ba-ḳhabar huun main

ki main is aag men Daala gaya huun misl-e-ḳhalil

fareb-ḳhurda-e-manzil hai karvan varna

ziyada rahat-e-manzil se hai nashat-e-rahil

nazar nahin to mire halqa-e-suḳhan men na baith

ki nukta-ha-e-ḳhudi hain misal-e-tegh-e-asil

mujhe vo dars-e-farng aaj yaad aate hain

kahan huzur ki lazzat kahan hijab-e-dalil

andheri shab hai juda apne qafile se hai tu

tire liye hai mira shola-e-nava qindil

gharib o saada o rangin hai dastan-e-haram

nihayat is ki husain ibtida hai ismail

Leave a Comment