Nooh Narvi
ḳhuda se zulm ka shikva zarur main ne kiya
baḌa qusur ye ai rashk-e-hur main ne kiya
kisi se dil ka lagana gunah hai naseh
jo ye qusur hai to ye qusur main ne kiya
vo zikr-e-va.ada-e-vasl-e-adu pe kahte hain
zarur main ne kiya bizzarur main ne kiya
tira ḳhayal mire dil men aa nahin sakta
ki jis ko duur kiya us ko duur main ne kiya
janab-e-‘nuh’ zamane ka e’tibar nahin
bura kiya jo kisi se ghurur main ne kiya
Leave a Reply