Ashu Mishra
ḳhuda gar mere hathon men dilase ki chilam bharta
main ahl-e-hijr ke ThanDe paḌe sinon men dam bharta
agar mujh ko kisi ke husn ka mausam na raas aata
main dil ke saare ḳhanon men tiri furqat ke gham bharta
musavvir main hasin lagta tire sab shahkaron se
tu mujh men rang to bharta bhale auron se kam bharta
bahut thak kar saval-e-vasl us se kar diya main ne
main kab tak dekha-dekhi se mohabbat ka shikam bharta
Leave a Reply