Jyoti Azad Khatri
ḳhud se jab be-zari ho
kis se baat tumhari ho
chahe mujh se duur raho
meri zimmedari ho
ek sa mausam lagta hai
ḳhushi ho ya be-zari ho
tum bhi bazm men ho maujud
raag bhi phir darbari ho
dil ka haal chhupa luun to
achchhi duniya-dari ho
khul ke mujh se baat kare
jis ko kuchh dushvari ho
ḳhush mat ho ye mumkin hai
agli teri baari ho
gila nahin us se jis ko
hansne ki bimari ho
Leave a Reply