Ab Manzil-E-Sada Se Safar Kar Rahe Hain Hum

ab manzil-e-sada se safar kar rahe hain ham

yaani dil-e-sukut men ghar kar rahe hain ham

khoya hai kuchh zarur jo us ki talash men

har chiiz ko idhar se udhar kar rahe hain ham

goya zamin kam thi tag-o-taz ke liye

paimaish-e-nujum-o-qamar kar rahe hain ham

kaafi na tha jamal-e-ruḳh-e-sada-e-bahar

zebaish-e-giyah-o-shajar kar rahe hain ham

Leave a Comment