Azm Shakri
chand sa chehra kuchh itna bebak hua
ek hi pal men shab ka daman chaak hua
ghar ke andar sidhe sachche log mile
beTa pardesi ho kar chalak hua
darvazon ki raten chaukidar huiin
aur ujala jismon ki poshak hua
jo aaya ik daagh laga kar chala gaya
us ne chhua to mera daman paak hua
mausam ne avaz laga.i ḳhushbu ko
titli ka dil phulon ki imlak hua
mere jism se vaqt ne kapḌe noch liye
manzar manzar ḳhud meri poshak hua
Leave a Reply