hava hi lau ko ghaTati vahi baḌhati hai
ye kis guman men duniya diye jalati hai
bhaTakne valon ko kya farq is se paḌta hai
safar men kaun saḌak kis taraf ko jaati hai
ajiib ḳhauf ka gumbad hai mere char-taraf
miri sada mire kanon men lauT aati hai
vo jis bhi raah se guzre jahan qayam kare
zamin vahan ki sitaron se bharti jaati hai
ye zindagi bhi kahin ho na shahar-zad ka ruup
shabana roz kahani na.i sunati hai
Leave a Reply