ḳhayal-o-ḳhvab men kab tak ye guftugu hogi
uThao jaam ki ab baat ru-ba-ru hogi
abhi huun paas to vo ajnabi se baiThe hain
main uTh gaya to bahut meri justuju hogi
mujhe batao to kuchh kaam aa sakun shayad
tumhare dil men bhi ik fasl-e-arzu hogi
tujhi ko DhunDhta phirta tha dar-ba-dar phir bhi
mujhe yaqin tha rusva.i ku-ba-ku hogi
badal gaya bhi agar vo to dekhne men ‘na.im’
vahi libas vahi shakl hu-ba-hu hogi
Leave a Reply