Poet
basti basti ghor andhera suuna suuna jaada tha
shab ke pichhle-pahar ka sannaTa kuchh aur ziyada tha
sehn-e-chaman men ravish ravish par aas ke phuul ugaa.e the
lekin ye mahsus hua har manzar pesh-uftada tha
lafz koi aaseb na the log us ki sada se kyuun Darte
vaqt ke andhe kun.en ka ye ashob to sidha-sada tha
jiite jagte phuul badan men kaise kaise rog lage
dil ka kya hai dil to apne ḳhvabon ka shahzada tha
maslihaten aaḌe aa.en ya ahl-e-junun dil chhoḌ ga.e
jo hona hai aaj ho jaa.e dil is par amada tha
Leave a Reply