Abroo Shah Mubarak
jalte hain aur ham siin jab mangte ho pyala
hote hain daagh dil men juun juun kate ho la la
biksa hai tamam zalim tujh chashm ka dumbala
laaga hai us ke dil men dekha hai jin men bhala
us shokh-e-sarv-qad kuun ham jante the bhola
mil uupri tarah siin kya de gaya hai baala
ai sard-mehr tujh siin khuban jahan ke kanpe
khurshid thartharaya aur maah dekh haala
jab siin tire mulaem galon men dil dhansa hai
narmi suun dil hua hai tab suun rui ka gaala
faujan siin badh chale juun yakka koi sipahi
yuun khaal chhut khat sen mukh par rahe nirala
kyunkar pade na mere girye ka shor jag men
umda hai mujh nayan siin anjhuvan ke saath naala
jogi hua pe naata lalach ka chhodta nahin
kahta hai sab kuun baaba japta phire hai maala
jhamki dikha nigah ki dil chhin le chali hain
ye kis tiri ankhiyon kuun sikhla diya chhinala
ashar ‘abru’ ke rashk-e-guhar hue hain
dagh-e-sukhan siin us ko luulu hua hai laala
Leave a Reply