Jaane Kab Kaun bichhaD Jae KHabar Ho Ki Na Ho

Shakeeb Rizvi

jaane kab kaun bichhaḌ jaa.e ḳhabar ho ki na ho

aage ik moḌ hai kandhon pe ye sar ho ki na ho

bazm-e-ḳhuban men zara der Thahar ja ai dil

aaj ke ba.ad udhar mera guzar ho ki na ho

dard-e-dil aaj ki shab had se guzar jaata hai

phir koi chara-gar-e-zaḳhm-e-jigar ho ki na ho

vaqt-e-ruḳhsat na yuun ashkon men guzaro hamdam

aao kuchh baat karen phir ye sahar ho ki na ho

aḳhiri baar unhen bhar ke nazar dekh to len

zauq-e-nazzara rahe phir ye nazar ho ki na ho

kah len kuchh hal-e-dil-e-zar ghanimat hai ‘shakeb’

phir ye ahbab ki mahfil ye nazar ho ki na ho