jalve tire jo raunaq-e-bazar ho ga.e
ḳhuban-e-ḳhud-farosh ḳharidar ho ga.e
talvon se rasta chaman-e-dil-kusha bana
jalvon se aa.ina dar-o-divar ho ga.e
dil jan-ba-lab jigar men tapak jaan be-qarar
ham tera naam le ke gunahgar ho ga.e
gulzar hai bahar yunhi husn-e-yar se
jaise chaman bahar se gulzar ho ga.e
ye husn-e-ḳhud-farosh ajab jins hai ‘hasan’
vo bik ga.e jo us ke ḳharidar ho ga.e
Leave a Reply