Jarrar Chhaulisi
sirf baiThe hue aahen na bharo
ishrat-e-dil ke liye kuchh to karo
valvalon ko na kahin niind aa jaa.e
sitam-e-ahl-e-sitam se na Daro
hai ye qismat ki shikayat be-sud
tum men jauhar bhi hai kuchh be-hunro
daagh hi daagh nazar a.enge
chand men bhi tumhen ai kam-nazro
manzil-e-sabr bahut aage hai
sarhad-e-zulm se bedad-garo
apne ghar-bar se rahna hoshyar
mera ghar phunk ke shorida-saro
ḳhun-e-dil apna baha kar ‘jarrar’
rang-e-tasvir mohabbat men bharo
Leave a Reply