Habib Jalib
baten to kuchh aisi hain ki ḳhud se bhi na ki jaa.en
socha hai ḳhamoshi se har ik zahr ko pi jaa.en
apna to nahin koi vahan puchhne vaala
us bazm men jaana hai jinhen ab to vahi jaa.en
ab tujh se hamen koi ta.alluq nahin rakhna
achchha ho ki dil se tiri yaden bhi chali jaa.en
ik umr uTha.e hain sitam ghair ke ham ne
apnon ki to ik pal bhi jafa.en na sahi jaa.en
‘jalib’ gham-e-dauran ho ki yad-e-ruḳh-e-janan
tanha mujhe rahne den mire dil se sabhi jaa.en
Leave a Reply