KHud Se Guzre to Qayamat Se Guzar Jaenge Hum

Meer Ahmad Naved

ḳhud se guzre to qayamat se guzar ja.enge ham

ya.ani har haal ki halat se guzar ja.enge ham

alam-e-vus.at-e-imkan nazar aa.ega hamen

ya.ani har duuri o qurbat se guzar ja.enge ham

ḳhatm ho ja.egi sab kashmakash-e-harf-o-adad

ya.ani har manfi o musbat se guzar ja.enge ham

na makan hoga vajud aur na zaman hoga adam

ya.ani har tangi o vus.at se guzar ja.enge ham

alam-e-hu dil-e-bina ko nazar aa.ega

hasrat o vahshat o hairat se guzar ja.enge ham