khud ko chhune se dara karte hain
ham jo nindon men chala karte hain
apni hi zaat ke sahra men aaj
log chup-chap jala karte hain
khuun shiryanon men lahrata hai
khvab aankhon men hinsa karte hain
ham jahan baste the is basti men
ab faqat saae mila karte hain
ladkiyan hansti guzar jaati hain
ham samundar ko taka karte hain
aati jaati hain bahut si yaden
daere ban ke mita karte hain
Leave a Reply