Munawwar Rana
kya zaruri hai ki ham phone pe baten bhi karen
kya zaruri hai ki har lafz mahakne bhi lage
kya zaruri hai ki har zakhm se khushbu aae
kya zaruri hai vafadar rahen ham donon
kya zaruri hai dava saari asar kar jaae
kya zaruri hai ki har khvab ham achchha dekhen
kya zaruri hai ki jo chahen vahi ho jaae
kya zaruri hai ki mausam ho hamara sathi
kya zaruri hai safar men kahin saaya bhi mile
kya zaruri hai tabassum yunhi maujud rahe
kya zaruri hai har ik raah men jugnu chamkin
kya zaruri hai ki ashkon ko ravani bhi mile
kya zaruri hai ki milna hi muqaddar thahre
kya zaruri hai ki har roz milen ham donon
ham jahan gaanv basaen vahan ik jhiil bhi ho
kya zaruri hai mohabbat tiri takmil bhi ho
Leave a Reply