mare dil biich naqsh-e-naznin hai
magar ye dil nahin yaaro nagin hai
kamar par teri us ka dil hua mahv
tira ashiq bahut barik-bin hai
jo kahiye us ke haq men kam hai be-shak
pari hai huur hai ruh-ul-amin hai
ghulam us ke hain saare ab sirijan
nagar men husn ke kursi-nashin hai
nahin ab jag men vaisa aur pitam
sabi khush-suratan suun naznin hai
mujhe hai moshgafi men maharat
jo nit dil mahv khatt-e-ambarin hai
nazar kar lutf ki ai shah-e-khuban
tira ‘faez’ ghulam-e-kam-tarin hai
Leave a Reply