akhtar-bastavi

Khud-Faramosh Jo Paya Hai Mujhe duniya Ne

ḳhud-faramosh jo paaya hai mujhe duniya ne

mere hathon se bhi luuTa hai mujhe duniya ne

dil to be-dam bika zehn ki qimat na lagi

kaise bazar men becha hai mujhe duniya ne

vaqf-e-jazbat na hone ki saza di hai ajab

atish-e-sard men phunka hai mujhe duniya ne

ham-safar mujh ko banane se gurezan hai magar

har nae moḌ pe dhunda hai mujhe duniya ne

be-asar meri futuhat rahi hain ‘aḳhtar’

main jo haara huun to puuja hai mujhe duniya ne

More Poems

Leave a Comment