Jaleel Aali
juda juda sab ke ḳhvab ta.abir ek jaisi
hamen azal se mili hai taqdir ek jaisi
har ik kitab-e-amal ke unvan apne apne
varaq varaq par qaza ki tahrir ek jaisi
guzarte lamhon se naqsh kya apne apne puchhen
in a.inon men har ek tasvir ek jaisi
tiri shararbariyon miri ḳhaksariyon ki
hava kabhi to karegi tash.hir ek jaisi
ye tai hua ek baar sab aazma ke dekhen
najat-e-qalb-o-nazar ki tadbir ek jaisi
dilon ke zamzam se dhul ke nikli hui sada.en
sama.aton men jaga.en tasir ek jaisi
Leave a Reply