Khalid Mubashshir
anasir ki ghani zanjir hai
so ye hasti ki ik ta.abir hai
mila virse men dard-e-dil mujhe
ye mere baap ki jagir hai
pighal ja.ega parbat sang kya
miri aahon men vo tasir hai
kahin ranjha, kahin majnun hua
vajud-e-ishq alamgir hai
vahi parvez ki sharten hanuz
vahi tesha hai, ju-e-shir hai
surur o gham hai kya ‘ḳhalid’-miyan
kitab-e-zist ki tafsir hai
Leave a Reply