Afroz Alam
jaga junun ko zara naqsha-e-muqaddar khinch
nai sadi ko nai karbala se bahar khinch
main zehni taur pe avara hota jaata huun
mire shuur mujhe apni had ke andar khinch
nai zamin lahu ka khiraj leti hai
dayar-e-ghair men bhi khushnuma sa manzar khinch
udaas raat men taare gavah bante hain
rag-e-habab se tu qatilana khanjar khinch
abhi sitaron men baaqi hai zindagi ki ramaq
kuchh aur der zara narm garm chadar khinch
vajud-e-shahr to jangal men dhal chuka ‘alam’
ab is jagah se mujhe janib-e-samundar khinch
Leave a Reply