ḳhud apni ḳhvahishen ḳhak-e-badan men bone ko
mira vajud tarasta hai mere hone ko
ye dekhna hai ki baari miri kab aa.egi
khaḌa huun sahil-e-dariya pe lab bhigone ko
abhi se kya rakhen ankhon pe saare din ka hisab
abhi to raat paḌi hai ye bojh Dhone ko
na koi takiya-e-gham hai na koi chadar-e-ḳhvab
hamen ye kaun sa bistar mila hai sone ko
vo duur tha to bahut hasraten thiin paane ki
vo mil gaya hai to ji chahta hai khone ko
Leave a Reply