KHud Apne Aap Ki Nazron Mein Gir Gaya Hai Koi

ḳhud apne aap kī nazroñ meñ gir gayā hai koī

daraḳht kaaT ke saa.e ko ro rahā hai koī

bahut zamāne se ik Duube shaḳhs kī ḳhātir

tamām raat samundar pe kāTtā hai koī

tumhīñ batāo tumheñ kaise apnā dil de deñ

tumhīñ batāo ki sahrā meñ Dūbtā hai koī

daraḳht chhoḌ ke panchhī kahīñ nahīñ jaate

to kyā daraḳht ke pīchhe paḌā huā hai koī

mirā vajūd bhī taqsīm ho gayā ‘dānish’

tumhāre hote hue dil meñ dūsrā hai koī

Leave a Comment