jis jagah agahi muqayyad hai
us jagah zindagi muqayyad hai
bujh rahe hain gulab se chehre
kya yahan tazgi muqayyad hai
chand jis ka tavaf karta tha
ab vahan khaak si muqayyad hai
ek arzi liye main hazir huun
munsifa raushni muqayyad hai
khak-e-karbal men aaj bhi logo
ik ajab tishnagi muqayyad hai
kachche ghar ke nasib men ‘babar’
ja-ba-ja khastagi muqayyad hai
Leave a Reply